“मीच तो आदर्श शिक्षक”: प्रगत विद्यालयाचे डॉ. माटे सर 30+ वर्षांच्या सेवेनंतर सेवानिवृत्त; सहकाऱ्यांकडून श्रीफळ देऊन भावपूर्ण निरोप
राहाता, दि. 1 मे: शिक्षण क्षेत्रात 30 हून अधिक वर्षे अविरत सेवा देऊन हजारो विद्यार्थ्यांचे भविष्य घडविणारे आदर्श शिक्षक डॉ. माटे सर आज सेवानिवृत्त झाले. प्रगत माध्यमिक व उच्च माध्यमिक विद्यालय, राहाता येथे मुख्याध्यापक व सहकारी शिक्षक-शिक्षकेतर कर्मचाऱ्यांनी त्यांचा श्रीफळ व पुष्पगुच्छ देऊन भावपूर्ण सत्कार केला.
डॉ. माटे सरांनी आपल्या सेवाकाळात केवळ पुस्तकी ज्ञान न देता विद्यार्थ्यांमध्ये संस्कार, शिस्त व राष्ट्रभक्ती रुजवली. त्यांच्या हातून घडलेले अनेक विद्यार्थी आज डॉक्टर, इंजिनिअर, अधिकारी व उद्योजक म्हणून समाजात नावलौकिक मिळवत आहेत.
त्यांच्या सेवानिवृत्तीनिमित्त “मीच तो आदर्श शिक्षक” या प्रेरणादायी पुस्तिकेचे प्रकाशन होत आहे. या पुस्तिकेत डॉ. माटे सरांचा शैक्षणिक प्रवास, अनुभव व “आदर्श शिक्षक कसा असावा” याचे मार्गदर्शन आहे.
यावेळी सर्जेराव मते,भाऊसाहेब रोहकले,बी एल ठोकळ,अभिमन्यु चव्हाण,न्यानदेव ख़राड़े,मिथुन डोंगरे,राजेंद्र सोनवणे आदि मान्यवर मोठ्या संखेने हजर होते.
यावेळी शाळेचे मुख्याध्यापक, सर्व शिक्षक व कर्मचारी यांनी डॉ. माटे सरांच्या कार्याचा गौरव करत त्यांना निरोगी, आनंदी व समृद्ध सेवानिवृत्त जीवनासाठी शुभेच्छा दिल्या.
“शिर्डी आवाज न्यूज” परिवाराकडून डॉ. माटे सरांना सेवानिवृत्त जीवनासाठी हार्दिक शुभेच्छा!
