स्वतंत्र दिना निमित्त राहाता न्यायालयात स्वच्छता अभियान….
सालाबादप्रमाणे स्वातंत्रदिनाच्या पूर्वी राहाता विधी सेवा समिती,राहाता वकील संघ व साईयोग फाउंडेशन राहाता द्वारे रविवारी भल्या पहाटे माननीय न्यायाधीशांच्या मार्गदर्शनाखाली स्वच्छता अभियान राबविण्यात आले.याप्रसंगी वरिष्ठ न्यायाधीश एस बी शेख,वरिष्ठ न्यायाधीश के सी रजपूत,वरिष्ठ न्यायाधीश एस एस तट तसेच कनिष्ठ न्यायाधीश पी आर फुलारी,कनिष्ठ न्यायाधीश एस आर भरड यांनी स्वतः हातात झाडू घेऊन अभियानात उत्स्फूर्त सहभाग नोंदविला.न्यायालय परिसरातील प्लास्टिक बाटल्या,कचरा गोळा करण्यात आला.मोठ्या झाडांच्या अनावश्यक फांद्या छाटण्यात आल्या.तसेच अनावश्यक गवत,झाडी झुडपे फावड्याने काढून संपूर्ण परिसर झाडून स्वच्छ करण्यात आला.
स्वच्छतेनंतर साईयोग फाउंडेशन द्वारे सर्व सन्माननीय न्यायाधीश महोदय,वकील संघाचे पदाधिकारी तसेच न्यायालयीन कर्मचाऱ्यांचा साईशाल व गुलाब पुष्प देऊन सत्कार करण्यात आला.साईयोग फाउंडेशनचे जेष्ठ सदस्य ॲड.दिगंबर धनवटे यांनी सर्वांचे स्वागत करून प्रास्ताविक केले.गेली अकरा वर्षांपासून साईयोग फाउंडेशन राहाता न्यायालय परिसरात स्वतंत्र दिन व प्रजासत्ताक दिनानिमित्त स्वच्छता अभियान अविरत राबवत असून सर्वांचे सहकार्य मिळत असल्याचे नमूद केले.जेष्ठ सदस्य ॲड गोरखनाथ दंडवते यांनी न्यायालय परिसरात अस्वच्छता होणार नाही याची दक्षता घेण्याची विनंती केली.वरिष्ठ न्यायाधीश के सी रजपूत यांनी मनोगत व्यक्त करताना साईयोग फाउंडेशनच्या सामाजिक कार्याचे कौतुक करत आभार मानले तसेच ह्या परिसरात स्वच्छता राहील त्यासाठी शक्य ते प्रयत्न केले जातील याची ग्वाही दिली.राहाता वकील संघाचे अध्यक्ष ॲड शिवाजी चौधरी यांनी सर्वांचे आभार मानले.शेवटी सर्वांना न्यायालयाच्या वतीने स्वादिष्ट नाष्टा व चहापान करून समारोप करण्यात आला.
या अभियानात साईयोग फाउंडेशनचे संस्थापक अध्यक्ष डॉ बापूसाहेब पानगव्हाणे,वकील संघाचे खजिनदार ॲड प्रविण सापते,सुष्मिता चव्हाण,नीलम चेनुके,विलास वाळेकर,मोहन तांबे,संजय बाबर,संदीप डांगे,प्रताप गमे,परमेश चव्हाण,राजू वायकर,अरविंद बावके,दीपक दंडवते,रवींद्र धस,व्यंकटेश अहिरे,सिताराम बावके,उमेश लुटे,शिवाजी पोटे,कैलास चेनुके,नारायण गाडेकर,ज्ञानेश्वर आरणे,भागवत वाघमारे,प्रणव लावर तसेच न्यायालयीन कर्मचारी उपस्थित होते.
