*श्री साई अपंग विकास महिला मंडळ संचलित ,श्री साई-श्रद्धा ग्रामीण मुक-बधिर विद्यालय(निवासी)शिर्डी येथे 26जानेवारी 2026 रोजी 77 वा प्रजासत्ताक दिन सोहळा विद्यालय संस्थापक सन्माननीय माधवराव चौधरी सर लोकनियुक्त सरपंच नांदुर्खी बु. यांचे मार्गदर्शना खाली उत्साहात साजरा करण्यात आला. प्रजासत्ताक दिना निमित्त विद्यालयातील ध्वजारोहण माजी मुख्याध्यापक सन्माननीय श्री आण्णासाहेब देठे सर यांचे शुभ हस्ते करण्यात आले.या प्रसंगी ‘असाक्षर मुक्त गाव’शपथ घेऊन कार्यक्रमाची सुरुवात करण्यात आली.कार्यक्रमाच्या अध्यक्षस्थानी महिला मंडळाच्या सरचिटणीस सौ.वैशालीताई चौधरी उपस्थित होत्या,तसेच प्रमुख पाहुणे म्हणून श्री सुदामभाऊ गोंदकर पा उपस्थित होते. पाहुण्यांच्या उपस्थितीने या कार्यक्रमाची शोभा वाढली. राष्ट्रभक्तीपर गीतावर कवायत संचलन, लेझीम नृत्य तसेच “जहाँ पाव में पायल ‘या गीतावर समूह नृत्य विद्यार्थ्यांनी सादर केले.यामुळे राष्ट्रभक्तीचे वातावरण विद्यालयात निर्माण झाले.वर्षभरात विद्यालयात पार पडलेल्या विविध स्पर्धेत विजयी विद्यार्थ्यांचे मान्यवरांच्या शुभहस्ते कौतुक करण्यात आले.
यावेळी श्री राजेंद्र शेळके,श्री बनकर पाटील,सुनिल कोल्हे,साईनाथ भाऊ गोंदकर,श्री संतोष ढगे,राजेंद्र वहाडणे, ,प्रकाश बोधक साहेब आदी मान्यवर उपस्थित होते. प्रभारी मुख्याध्यापक श्री नवनाथ ढवळे सर यांनी कार्यक्रमाचे प्रास्ताविक केले.तसेच सूत्रसंचालन वि. शिक्षक श्री सोळसे बी.बी.तर आभार श्री पाटील वाय.ए.यांनी मानले. कार्यक्रमाचे चित्रीकरण कलाशिक्षक श्री वहाडणे सर यांनी केले.यावेळी सर्व शिक्षक शिक्षकेतर कर्मचारी व विद्यार्थी उपस्थित होते.विद्यार्थ्यांना पाहुण्यांच्या हस्ते खाऊचे वाटप करून या सोहळ्याची सांगता करण्यात आली.*
