*शारदा शैक्षणिक संकुलात अंध अपंग जनजागृती दिन संपन्न*-
(राहाता प्रतिनिधी) रयत शिक्षण संस्थेच्या शारदा शैक्षणिक संकुल या ठिकाणी डॉ. लुई ब्रेल यांची 217 जयंती 4 जानेवारी हा संपूर्ण जगात अंध अपंग जनजागृती दिन म्हणून साजरा केला जातो .लुई ब्रेल हे ब्रेल लिपीचे जनक म्हणून संबोधले जातात .डाॅ. लुई ब्रेल, डॉ.कर्मवीर भाऊराव पाटील यांच्या प्रतिमेला पुष्पहार अर्पण करून कार्यक्रमाची सुरुवात झाली .कार्यक्रमाच्या अध्यक्षस्थानी शारदा शैक्षणिक संकुलाचे अध्यक्ष रमेश शिंदे होते. त्यांनी आपल्या अध्यक्षीय मनोगतातून अंध अपंगांचा सन्मान केला पाहिजे .त्यांना मदत केली पाहिजे. समाजामध्ये अपंगाविषयी प्रेम ,आपुलकी ,जिव्हाळा निर्माण करण्यासाठी या प्रकारचे कार्यक्रम वेळोवेळी घेऊन समाजामध्ये जागृती केली पाहिजे .यावेळी त्यांनी उपस्थित अंध अपंग व्यक्तींचा गुलाब पुष्प देऊन सन्मान केला व त्यांच्या अडीअडचणी समजावून घेतल्या.
प्रमुख पाहुणे म्हणून सतीश निकम होते .त्यांनी अंध अपंग व्यक्तींसाठी संघटना उभी करून त्यांच्या हक्कासाठी मोठे काम केलेले आहे. त्यांनी डॉ. लुई ब्रेल यांच्या कार्याविषयी माहिती सांगितली. लूई ब्रेल यांनी अंधांच्या जीवनामध्ये ब्रेल लिपी च्या माध्यमातून जणू क्रांतीच घडून आणली असे सांगितले.
सदर कार्यक्रमाचे नियोजन संकुलाचे प्राचार्य अनिल बनसोडे यांनी केले. या याप्रसंगी किशोर लव्हारकर, राजकुमार साळवे ,श्री भुरके, मोसिन शेख ,कैलास शिंदे त्याचप्रमाणे मोठ्या संख्येने अंध बांधव उपस्थित होते कार्यक्रमाचे प्रास्ताविक प्रा. शरद गमे यांनी केले व आभार श्री भुरके यांनी मानले .
