शारदा कन्या विद्यामंदिरमध्ये “दहावीनंतरच्या करिअरच्या नवीन दिशा” या विषयावर मार्गदर्शन कार्यशाळा संपन्न झाली.
राहाता येथील शारदा शैक्षणिक संकुलातील शारदा कन्या विद्यामंदिरमध्ये इयत्ता दहावीच्या विद्यार्थिनींसाठी करिअर मार्गदर्शन कार्यक्रमाचे आयोजन करण्यात आले होते.
या कार्यक्रमात शारदा ज्युनिअर कॉलेजचे प्रेरणादायी व्याख्याते व मराठी विषयाचे प्रा. हनुमंत विठ्ठलराव माने सर यांनी विद्यार्थिनींना सखोल, अभ्यासपूर्ण आणि दिशादर्शक असे मार्गदर्शन केले.
प्रा. माने सर यांनी दहावीनंतर उपलब्ध असलेल्या विविध शैक्षणिक व करिअरच्या नव्या दिशा स्पष्ट करताना कला,विज्ञान व वाणिज्य यांसह माहिती तंत्रज्ञान, कृत्रिम बुद्धिमत्ता (AI टेक्नॉलॉजी) यांसारख्या आधुनिक व आव्हानात्मक क्षेत्रांविषयी सविस्तर माहिती दिली. बदलत्या काळात कौशल्याधिष्ठित शिक्षणाचे महत्त्व अधोरेखित करत विद्यार्थिनींनी आपल्या आवडी, क्षमता व कल लक्षात घेऊन करिअरची निवड करावी, असा मौलिक सल्ला त्यांनी दिला.
आपल्या मार्गदर्शनात त्यांनी विद्यार्थिनींना आत्मविश्वासाने निर्णय घेण्याचे, सातत्याने अभ्यास करण्याचे आणि स्पर्धात्मक युगात स्वतःला सक्षम बनवण्याचे महत्त्व पटवून दिले. त्यांच्या प्रेरणादायी विचारांमुळे विद्यार्थिनींमध्ये करिअरविषयी सकारात्मक दृष्टिकोन निर्माण झाला.
या कार्यक्रमास शारदा कन्या विद्यामंदिरच्या मुख्याध्यापिका श्रीमती गुंजाळ मॅडम यांची प्रमुख उपस्थिती लाभली. त्यांनी अशा उपक्रमांमुळे विद्यार्थिनींना योग्य दिशा मिळते, असे मत व्यक्त केले.
कार्यक्रमाचे प्रास्ताविक श्री. उऱ्हे सर यांनी केले. श्री. साळवे सर यांनी आभार मानले.
