‘राहाता मर्चेंट’ च्या दिनदर्शिकेचे प्रकाशन
राहाता : महाराष्ट्र राज्य पतसंस्था फेडरेशनच्या उत्कृष्ट, नुकत्याच घोषित झालेल्या आदर्श कामकाजात, राज्य पातळीवरील, नासिक विभागातून प्रथम क्रमांक विजेत्या राहाता येथील विश्वास पात्र असलेल्या राहाता मर्चेंट सहकारी नागरी पतसंस्थेच्या, २०२६ नूतन वर्षाच्या दिनदर्शिकचे अनावरण राहाता शहरातील पत्रकार बांधवांच्या हस्ते करण्यात आले.
राहाता मर्चेंट पतसंस्था नेहमीच सभासद, ठेविदार तसेच समाज उपयोगी कामांमध्ये अग्रस्थानी असते. संस्था सर्व सभासदांचा अपघात विमा स्थापनेपासून स्वखर्चान करत असते. सामाजिक वनीकरण, करोना काळातील मास्क, सॅनिटायझर
वाटप, पूरग्रस्तांसाठी मदत यासारख्या अनेक योजना राबवत आलेली आहे. दरवर्षीप्रमाणे याही वर्षी अतिशय आकर्षक अशी दिनदर्शिका समाजासाठी मोफत उपलब्ध करून दिल्याने सर्वत्र स्वागत करण्यात आले.
याप्रसंगी दैनिक ‘जनता आवाज’ चे कार्यकारी संपादक महेश रक्ताटे, जनता आवाज चे वितरण व्यवस्थापक सुधीर लोळगे, राहता येथील ज्येष्ठ पत्रकार सतीश वैजापूरकर, रामकृष्ण लोंढे, बाळासाहेब
सोनवणे, दिलीप खरात, संदीप वाव्हळ, राष्ट्रपती पारितोषिक विजेते सर्जेराव मते, मुन्नाभाई शहा, चांगदेव पाडेकर यांच्यासह राहाता मर्चेंट पतसंस्थेचे अध्यक्ष राजेंद्र वाबळे, उपाध्यक्ष खुशालचंद रायसोनी, राजेश भनसाळी, पराग डुंगरवाल, दिनकर गोसावी, प्रशांत पिपाडा, रवींद्र धस, संदीप पुंड, व्यवस्थापक ज्ञानेश्वर गायकवाड इत्यादी उपस्थित होते.
