राहाता:गर्भलिंग निदान करणारी टोळी जेरबंद
बेकायदा गर्भलिंग निदान तपासणी करणारी टोळी अप्पर पोलीस अधीक्षक कार्यालय श्रीरामपूर व लोणी पोलीस स्टेशन यांच्या पथकाने संयुक्त कारवाई करत जेरबंद केली आहे. सदर कारवाईमुळे परिसरातील नागरिकात एकच चर्चा आहे.
घटनेची हकीकत अशी की राहता तालुक्यातील निर्मळ पिंपरी शिवारात निळवंडे कॅनल परिसरात आरोपी नामे बी ए एम एस डॉक्टर राहुल आबासाहेब भणगे राहणार भानस हिवरे तालुका नेवासा व एजंट अभिजीत भुसाळ राहणार निर्मळ पिंपरी हे बेकायदा गर्भलिंग निदान तपासणी करीत असल्याचे मिळालेल्या माहितीनुसार छापा टाकून वर नमूद आरोपी व गर्भलिंग निदान करण्यासाठी आलेल्या सात आरोपीं नातेवाईकांना पोलिसांनी ताब्यात घेतले आहे. महिलांकडे चौकशी केली असता बीड संगमनेर नाशिक नांदगाव व पुणे येथून महिला तपासणीसाठी आल्याचे निष्पन्न झाले. एजंट हा सदर नातेवाईकांना बाबळेश्वर येथे थांबून फक्त महिलांना निर्मळ पिंपरी येथे तपासणीसाठी घेऊन जात होता. आरोपींकडून 24 लाख 9 हजार रुपयांचा मुद्देमाल हस्तगत करण्यात आला आहे यात वाहनांसह गर्भलिंग निदान करणाऱ्या विविध साहित्यांचा समावेश आहे. आरोपी विरोधात महाराष्ट्र मेडिकल प्रॅक्टिशनल अॅक्ट च्या विविध कलमानुसार गुन्हे दाखल करण्यात आले आहे.
सदरची कारवाई अधीक्षक सोमनाथ घार्गे अप्पर पोलीस अधीक्षक सोमनाथ वाकचौरे डी वाय एस पी जयदत्त भवर, सहाय्यक पोलीस निरीक्षक युवराज आठरे, यांच्या मार्गदर्शनाखाली अप्पर पोलीस अधीक्षक कार्यालय श्रीरामपूर व लोणी पोलीस ठाणे यांच्या पथकाने केली.
