राहाता नगरपरिषद येथे पद्मश्री डॉ विठ्ठलराव विखे पाटील यांची पुण्यतिथी उत्साहात साजरी करण्यात आली. यावेळी राहता नगर परिषदेच्या कार्यालयात पद्मश्री डॉ विठ्ठलराव विखे पाटील यांच्या प्रतिमेला लोकनियुक्त नगराध्यक्ष डॉ स्वाधीन गाडेकर यांच्या हस्ते पुष्पहार अर्पण करण्यात आला.
यावेळी डॉ स्वाधीन गाडेकर म्हणाले की, डॉ. विठ्ठलराव विखे पाटील यांनी आशिया खंडातील पहिला सहकारी साखर कारखाना उभा करून महाराष्ट्रातीलच नव्हे तर देशातील सहकार चळवळीला एक वेगळी दिशा दिली. शेतकरी सभासद हा देखील एका उद्योगाचा मालक असू शकतो ही संकल्पना त्याकाळी मांडणे ही मोठी बाब आहे. आज माझ्यासारखा तरुण जलसंपदा मंत्री डॉ. राधाकृष्ण विखे पाटील आणि भाजपा प्रदेश उपाध्यक्ष डॉ सुजय दादा विखे पाटील यांच्या मार्गदर्शनाखाली सहकारात काम करत असताना पद्मश्री डॉ. विठ्ठलराव विखे पाटील यांना आदर्श मानून एका पतसंस्थेचा कारभार करत आहे याचा मला अभिमान आहे.
यावेळी उपनगराध्यक्ष डॉ विजय सदाफळ, मुख्याधिकारी वैभव लोंढे, माजी नगराध्यक्ष कैलास सदाफळ, माजी नगरसेवक भीमराज निकाळे, गटनेते मुन्ना शहा, नगरसेवक प्रवीण सदाफळ, अजय आग्रे, राहुल सदाफळ, दशरथ तुपे, संदीप मुर्तडक, ॲड. मयुर पाळंदे, नितीन गाडेकर, नगरसेविका सविता सदाफळ, अंजली सदाफळ, मंगल डांगे, अनिता शेळके, शीतल बनकर, विजय गिधाड, सुरेश माळी, प्रभाकर आरणे, योगेश डांगे, सुयोग शेळके, प्रदीप बनकर, अरुण गाडेकर, कर्मचारी उपस्थित होते.
