*श्री साई श्रद्धा ग्रामीण मूकबधिर विद्यालय शिर्डी येथे जागतिक आरोग्य दिन उत्साहात साजरा.* मंगळवार दिनांक 7 एप्रिल 2026 रोजी विद्यालयात राष्ट्रसंत जनार्दन स्वामी फिजिओथेरपी कॉलेज कोपरगाव यांचे वतीने असोसिएट प्रोफेसर डॉ.योगेश कदम, प्रोफेसर डॉ.मणीकंदन व ऍडमिनिस्टेटर श्री सचिन पवार सर यांनी आर जे एस वैद्यकीय महाविद्यालयातील फिजिओथेरपी विभागातील तृतीय वर्षातील 30 ते 40 प्रशिक्षनार्थी समवेत मूकबधिर विद्यालयास जागतिक आरोग्य दिनानिमित्त भेट दिली.विद्यालयातील सर्व मूकबधिर विद्यार्थ्यांची आरोग्य तपासणी करण्यात आली. प्रशिक्षणार्थी डॉक्टर यांनी मुलांसमवेत विविध बौद्धिक व शारीरिक खेळ घेतले.मूकबधिर दिव्यांग मुलांना देखील हे खेळ खूप आवडले. चांगल्या व निरोगी आयुष्यासाठी आपली दिनचर्या कशी असावी यावर डॉ.अक्षदा तसेच डॉ. माधुरी (पी जी विद्यार्थिनी)यांनी मुलांना मार्गदर्शन केले. याप्रसंगी विद्यालय संस्थापक नांदुर्खी बुद्रुक चे लोकनियुक्त सरपंच माधवराव चौधरी सर तसेच श्री साई अपंग विकास महिला मंडळाच्या सरचिटणीस सौ वैशालीताई चौधरी सर्व शिक्षक-शिक्षकेतर कर्मचारी वृंद तसेच दिव्यांग मूकबधिर विद्यार्थी-विद्यार्थिनी उपस्थित होते.
