राहाता नगरपरिषदेच्या उपनगराध्यक्षपदी डॉ विजय सदाफळ
स्वीकृत नगरसेवकपदी दोघांना संधी
राहाता :
राहाता नगरपरिषदेच्या उपनगराध्यक्षपदी डॉ विजय पुंडलिक सदाफळ यांची सर्वानुमते पालकमंत्री ना राधाकृष्ण विखे पाटील यांच्या घोषणेनुसार निवड करण्यात आली आहेत .
मंगळवारी उपनगराध्यक्ष पदाच्या निवडीची प्रक्रिया पार पडली, काही दिवसांपूर्वी स्वीकृत नगरसेवकपदी अक्षय संजय बोठे व प्रवीण रमणलाल रुणवाल यांच्या निवडीबाबत शिक्कामोर्तब झाला आहे.राहाता नगरपरिषदेची निवडणूक नुकतीच संपन्न झाली. या निवडणुकीत विखे पाटील गटाला म्हणजेच भाजपला मोठे यश मिळाले नगराध्यक्षासह २० पैकी १९ जागांवर विजय संपादन करून भाजपने राहाता नगरपरिषदेवर एकहाती सत्ता मिळवली.
________
महिला नगरसेवकांना काम करूद्या ( पतिराज होऊ देऊ नका )
मंत्री विखे पाटील यांनी एक महत्त्वाचा सल्ला नवनिर्वाचित महिला नगरसेवकांच्या पतींना दिला. महिलांना ५० टक्के आरक्षण दिले आहे, त्यामुळे सभागृहाचे कामकाज महिला नगरसेविकांनाच करू द्या. पतीराजांनी त्यात हस्तक्षेप करू नये, तरच महिला सक्षमीकरण खऱ्या अर्थाने यशस्वी होईल, असे ते म्हणताच उपस्थितांनी टाळ्यांच्या कडकडाटात या भूमिकेचे स्वागत केले.
_____
गटनेते शफिक शहा
गटनेतेपदी कोणाची निवड होणार याकडे शहराचे लक्ष लागले होते, अनेक इतर नगरसेवक चर्चेत असताना ज्यांची चर्चा कुठेही नव्हती असे शफीक शहा यांची गटनेतेपदी निवड करण्यात आली आहे . राहता नगरपरिषद नवडणुकीतिल हा मास्टरस्ट्रोक मोठा असुन पुढील राजकारणाचा विचार करून ही निवड केली असल्याचा अंदाज आहेत .
