राहाता चौकात अनपेक्षित कौटुंबिक भेट: अहिल्यानगरच्या पूनमताई गुंड व जामखेडच्या रेखाताई औताडे यांची राजुभाई पठाण यांच्याशी ग्रेट भेट
राहाता, दि. 1 मे: राहाता चौकात आज एक हृद्य कौटुंबिक भेट घडली. आलिशान गाडीतून “राजुभाई, राजुभाई” असा आवाज आला आणि गाडी थांबली. जवळ जाऊन पाहिले असता अहिल्यानगरच्या सौ. पूनमताई गुंड, जामखेडच्या सौ. रेखाताई औताडे व भांजे प्रणव औताडे हे नातेवाईक असल्याचे समजले. अनेक दिवसांनी झालेल्या या भेटीने सर्वांचाच आनंद द्विगुणित झाला.
उन्हामुळे भडांगे येथे चहा घेण्याचे टाळून सर्वजण राहाता नगरपरिषदेचे नगरसेवक व गटनेते हाजी श्री शफीकभाई (मुन्नाभाई) शहा यांच्या कार्यालयात गप्पा मारण्यासाठी गेले.
यावेळी मुन्नाभाई शहा यांची दोन्ही भगिनींशी ओळख करून देण्यात आली. मनमंदिर पान स्टॉलचे मालक श्री दिलीपभाऊ सूर्यवंशी यांच्या बहिणी असल्याचे कळताच मुन्नाभाई म्हणाले की, “दिलीपभाऊ माझे वर्गमित्र असून आमचे जवळचे संबंध आहेत.”
त्यानंतर सौ. पूनमताई, सौ. रेखाताई, भांजे प्रणव यांच्यासोबत मुन्नाभाई शहा, पत्रकार राजुभाई पठाण व पत्रकार मुश्ताकभाई शहा यांच्या उपस्थितीत मनमोकळ्या गप्पा झाल्या.
पाहुण्यांनी चहा-थंड नको म्हटले तरी मुन्नाभाई यांनी आग्रहाने पत्रकार लोंढे काका यांच्या दुकानातून पंचकृष्णा डेअरीची प्रसिद्ध लस्सी मागवून सर्वांना दिली.
शेवटी सर्वांनी आठवणीसाठी एकत्र फोटो काढला आणि बहिणींनी निरोप घेऊन पुढील प्रवासाला सुरुवात केली.
