संत सेना महाराज यांच्या पुण्यतिथी निमित्त राहाता शहरात भव्य शोभा मिरवणूक काढण्यात आली. या मिरवणुकीत महिला, लहान मुले तसेच नाभिक समाज बांधव मोठ्या संख्येने सहभागी झाले होते. पारंपरिक वाद्यांच्या गजरात आणि टाळ-मृदंगाच्या तालात ही शोभायात्रा पालखी मार्गे शहरात फिरवण्यात आली…शोभायात्रे दरम्यान महिलांनी फुगडी खेळून पारंपरिक संस्कृती जपली. सकाळी संत सेना महाराजांच्या पवित्र प्रतिमेचे अभिषेक व पूजन करून धार्मिक विधी पार पडले.या भव्य सोहळ्यामुळे राहाता शहरात भक्तीमय वातावरण निर्माण झाले होते.
आपले मनोगत व्यक्त करताना संत सेना नाभिक मंडळ अध्यक्ष व समाजसेवक दशरथ तुपे यांनी मंदिराची माहिती देवून मंदिराचा जीर्णोधार गरजेचा असून जीर्णोधार आमच्या हयातीत झाला पाहिजे हीच सर्व समाजाची इच्छा असल्याचे सांगितले.भाजपा नेते राजेंद्र पिपाडा यांनी मनोगत व्यक्त करताना खासदार साहेबांकडून मंदिरास मदत मिळवून देण्याची ग्वाही व त्यासाठी लागणारा संपूर्ण पाठपुरावा करणार असल्याचे सांगितले.सिंनगर सरानी सुद्धा मंदिर जीर्णोद्धारासाठी सर्वोतोपरी मदत करण्याचे सांगितले.
राहाता शहराचे भूषण असलेली राहाता पीपल्स नागरी सहकारी पतसंस्था राहाता चे चेयरमन श्री भाऊसाहेब चौधरी यांनी जात पात न जुमानता सामाजिक बांधिलकी म्हणून रोख रक्कम पंचवीस हजार रुपये मंदिरासाठी मदत केली .मंडळातर्फे त्यांचा सत्कार करण्यात आला.
या कार्यक्रमासाठी माजी ग्रामसेवक राजू गायकवाड यांनी अन्नदान केले तर भारत धावणे महाराजांचे किर्तन पार पडले…
यावेळी मुकूंदनाना सदाफळ ,मोहनदादा सदाफळ , कैलास बापू सदाफळ , डॉ.राजेंद्र पिपाडा , स्वाधीन गाडेकर , पत्रकार अजय जाधव,राजूभाई पठाण,मोगले,भाऊसाहेब चौधरी,राजेंद्र पठारे , राजेंद्र धुमसे , शशिकांत लोळगे , मुकूंद सिनारे , धनंजय गाडेकर , राजेंद्र निकाळे , सागर सदाफळ , गणेश बोरकर , सागर बोठे , अनिल बोठे , साई कार्ले , सागर भुजबळ ,दशरथ तुपे,संदीप तुपे.भगवान वाघ यासह नाभिक बांधव भगिनी मोठ्या संख्येने उपस्थित होते.
