🌹पूज्य पंडित श्री प्रदिप मिश्रा महाराज यांच्या विषयी झालेला गैरसमज चुकीचा ! 🌹

मंडळी शनिवारी मध्यप्रदेश येथील पूज्य पंडित प्रदिपजी महाराज यांचे आगमन साईंच्या पुण्यनगरीत झाले, 12 ऑक्टोबर ते 16 ऑक्टोबर पर्यंत पाच दिवस महाराजांच्या मधुर वाणीत भव्य दिव्य अशा पाच दिवसांचे शिवपुराण कथा कार्यक्रमाचे जनसेवा फाउंडेशनच्या वतीने भव्यदिव्य असे आयोजन आणि नियोजन अहिल्या नगर जिल्ह्यात सर्वप्रथम शिर्डीच्या पावन भूमीत राहाता तालुक्यात अस्तगावं शिवावर तब्बल 75 एकर जागेत करण्यात आले आहे. साक्षात महाकाल अर्थात भगवान श्री शंकर यांच्यावर आधारीत अर्थात शिवपुराण कथा खुद्द पूज्य पंडित प्रदिपजी मिश्रा महाराज यांच्या गोड वाणीतून पंचक्रोशीतील चार ते पाच लाख भाविकांना श्रवण करण्याचा योग येणार आहे. जनसेवा फाउंडेशनच्या वतीने आयोजित केलेल्या या कार्यक्रमासाठी खास वॉटरप्रूफ भव्य मंडप, पार्किंग व्यवस्था, भाविकांची बसण्याची व्यवस्था, याबरोबर पंचक्रोशीतील भाविकांसाठी मोफत जाण्या येण्यासाठी बस, रिक्षा, मिनिबस, टेम्पो ट्रॅव्हलर याची खास व्यवस्था करण्यात आली आहे. तर राहाता तालुक्यातील प्रत्येक कुटुंबातील सदस्यांना या कार्यक्रमाचे मोफत पासही वितरीत कारण्यात आले आहे.
स्वतः डॉ. सुजय विखे पाटील हे इंदोर येथून खास जेट विमानाने श्री प्रदिप मिश्रा महाराज यांना शिर्डीत घेऊन आले. शनिवारी श्री प्रदिप मिश्रा यांचे श्री साईबाबा इंटरनॅशनल विमानतळावर आगमन झाले यावेळी पालकमंत्री नामदार राधाकृष्ण विखे पाटील व शेकडो कार्यकर्त्यांनी त्यांचे स्वागत केले त्यानंतर स्वतः मोटारीचे सारथी होऊन डॉ.सुजय विखे पाटील त्यांना शिर्डीच्या पावनभूमीत घेऊन आले. यावेळी त्यांची भव्य मिरवणूक काढण्यात आली या मिरवणुकीत शेकडो महिलांनी पिवळ्या रंगाची साडी परिधान करून डोक्यावर तुळशी कलश घेतलेला होता तर ढोल ताशाच्या गजरात व फुलांची उधळण करत शिर्डी गावातून हजारो भाविकांच्या समवेत त्यांची मिरवणूक काढण्यात आली. व मिश्राजींना पन्नास फुटांचा हार क्रेनच्या साहाय्याने घालण्यात आला.याच दरम्यान काही स्थानीकांचा गैरसमज झाला की श्री प्रदिप मिश्रा महाराज यांनी शिर्डीत येऊनही साईबाबांचे दर्शन का घेतले नाही ?
खरं तर प्रदिप मिश्रा यांचे देशभरात अनेक ठिकाणी कार्यक्रम झाले आहे आणि होत आहे, ते प्रत्येक कार्यक्रमाला जाताना पवित्र शिवलिंग घेऊन जातात आणि कार्यक्रमाच्या ठिकाणी जोपर्यंत या शिवलिंगाची प्राणप्रतिष्ठा होत नाही तोपर्यंत ते कोणत्याही मंदिरात जात नाही, अर्थात महाकालचे ते निस्सीम भक्त असल्याने त्यांच्या काही प्रथा आणि श्रद्धा आहे. मात्र शिवलिंगाची स्थापना झाल्यावर ते आज किंव्हा उद्या साईबाबांचे दर्शन करण्यासाठी येणार आहेत अशी माहिती जनसेवा फाउंडेशन तथा डॉ. सुजय विखे पाटील यांनी दिली आहे. मिश्राजींनी सुरुवातीलाच सांगितले आहे की, मी साईंच्या पावनभूमीत पहिल्यांदा शिवमहापूराण हा कार्यक्रम घेत असून मी स्वतःला भाग्यवान समजतो कारण त्यांची साईबाबांवर श्रद्धा आहे आणि त्यांचा आशीर्वाद घेतल्याशिवाय या कार्यक्रमाला ऊर्जा मिळणार नाही. अर्थात शिर्डीकरांचा झालेला गैरसमज दूर होण्यासाठी मी एक जागृत पत्रकार या नात्याने ही माहिती देत आहे. आपला झालेला गैरसमज नक्कीच दूर होईल हा विश्वास आहे.

शिर्डी आवाज न्यूज