शिर्डी शहरात पुन्हा एकदा धक्कादायक घटना घडली असून शहराच्या मध्यवर्ती ठिकाणी वर्दळीचा रोड असलेल्या द्वारकामाई चौक २०० रूम गार्डन जवळील पाण्याच्या टाकीजवळ एका तरुणावर चॉपर ने वार करण्यात आल्याची धक्कादायक घटना घडली आहे. शिर्डी विमानतळ रोडवरील पाण्याच्या टाकीजवळ नीरज नंदू चौधरी नावाच्या परप्रांतीय तरुणावर अचानक तिघा तरुणांनी दुचाकीवर येत प्राणघातक हल्ला केल्याने संपूर्ण परिसरात एकच खळबळ उडाली आहे
हल्ल्यानंतर तरुणाला साईबाबा रुग्णालयात उपचारांसाठी दाखल करण्यात आले असून प्रकृती सध्या स्थिर असल्याचे समजते परंतु दिवसा ढवळ्या तरुणावर चॉपर ने हल्ला करून फरार होणाऱ्या मुजोर गुंडप्रवृत्तीच्या तरुणांना तत्काळ जेरबंद करत शहरातून धिंड काढणे गरजेचे असल्याची चर्चा रुग्णालय परिसरात नागरिकांमधे होती प्रकरणाची माहिती मिळताच पोलिसांनी तत्काळ रुग्णालयात येत घटनेची माहिती घेतली व पुढील कारवाई सुरू आहे
परंतु अश्या प्रकारे भर दिवसा चॉपर ने हल्ला करण्याचे मनोधैर्य गुंडांना कुठून येते हा संशोधनाचा विषय असून सदर जखमी झालेला नीरज चौधरी हा तरुण मूळ राजस्थान येथील असून वडील शहरात होलसेलचा व्यापार करत असतात मात्र काही नशाबाज मित्रपरिवार असल्याने त्यातीलच काही वादातून हा प्रकार घडला असण्याची शक्यता व्यक्त होत आहे शहरात गेल्या अनेक महिन्यांपासून कोणताही अनुचित प्रकार घडला नाही मात्र व्हाईटनर नशा करणारे ,गांजा ओढणारे व अंमली पदार्थांचे सेवन करणारया टारगट तरुणांच्या टोळ्या मात्र चिंतेचा विषय बनली असून शिर्डी पोलिसांनी आता ह्याप्रकरणी कठोर कारवाई करत अश्या प्रकारांना आळा घालण्याची मागणी जोर धरू लागली आहे
