सर्वसामान्य आणि गरजू नागरिकांना शासनाच्या विविध कल्याणकारी योजनांचा लाभ मिळवून देण्याकरिता राहाता नगरपरिषदेच्या वतीने आयोजित करण्यात आलेल्या जनजागृती अभियानाची सांगता लोकनियुक्त नगराध्यक्ष डॉ. स्वाधीन गाडेकर यांच्या शुभहस्ते करण्यात आली.
यावेळी नगराध्यक्ष डॉ. स्वाधीन गाडेकर म्हणाले की, महाराष्ट्र राज्याचे जलसंपदा मंत्री तथा पालकमंत्री ना. डॉ. राधाकृष्ण विखे पाटील यांच्या मार्गदर्शनाखाली आणि मा.खा. डॉ. सुजय दादा विखे पाटील यांच्या सुचनेनुसार राहाता नगरपरिषदेच्या वतीने प्रधानमंत्री आवास योजना २.०(शहरी), मिशन वात्सल्य अंतर्गत एकल महिला शिबिर, प्रधानमंत्री पथविक्रेता आत्मनिर्भर निधी योजना आणि प्रधानमंत्री श्रम योगी मानधन योजना दि. ०२ फेब्रुवारी पासून ११ फेब्रुवारी पर्यंत शहरातील सर्व प्रभागात राबविण्यात आली होती. यावेळी राहाता शहरातील गरजू नागरिकांकडून उस्फुर्त प्रतिसाद बघायला मिळाला.
प्रधानमंत्री आवास योजनेमध्ये नवीन घरकुलांसाठी नोंदणी, मिशन वात्सल्य अंतर्गत एकल महिला शिबिरमध्ये एकल महिला व अनाथ बालके यांना शासनाच्या विविध कल्याणकारी योजनाचा लाभ मिळवून देण्याकरिता नाव नोंदणी करणे, प्रधानमंत्री पथविक्रेता आत्मनिर्भर निधी योजना अंतर्गत पाथविक्रेत्यांना भांडवली स्वरूपात तीन टप्प्यांमध्ये बँक कर्ज प्राप्त करण्याकरिता नोंदणी करणे, प्रधानमंत्री श्रमयोगी मानधन योजनेच्या अंतर्गत असंघटित कामगारांच्या वृद्धत्व संरक्षण व सामाजिक सुरक्षासाठी असलेल्या योजनेत नाव नोंदणी करणे याकरिता प्रभागनिहाय शिबिरांचे आयोजन करण्यात आले होते.
यावेळी उपनगराध्यक्ष डॉ विजय सदाफळ, मुख्याधिकारी वैभव लोंढे, संजय गांधी निराधार योजनेचे अध्यक्ष संजय सदाफळ, गटनेते नगरसेवक मुन्ना शहा, प्रवीण सदाफळ, अजय आग्रे, राहुल सदाफळ, दशरथ तुपे, संदीप मुर्तडक, ॲड.मयूर पाळंदे, नितीन गाडेकर, नगरसेविका पुजा गिधाड, रविना माळी, पुष्पा आरणे, अर्चना निकाळे, सविता सदाफळ, मंगल डांगे, अंजली सदाफळ, अनिता शेळके, शीतल बनकर, नीता गाडेकर, तालुका पुरवठा अधिकारी भारत खरात, माजी नगरसेवक जालिंदर आरने आदी उपस्थित होते.
