शिर्डीतील आइस्क्रीम व्यवसायात उत्तुंग भरारी घेत शिर्डी, महाराष्ट्रच नव्हे तर थेट परराज्यात देखील क्लासिक आइस्क्रीमच्या माध्यमातून शिर्डीचा नावलौकिक वाढविणाऱ्या हाजी बाबाभाई सय्यद,हाजी युनूस भाई शहा या शिर्डीतील दोघा मित्रांनी २००० साली छोट्याशा पत्र्याच्या शेड मधे सुरू केलेला छोटेखानी आइस्क्रीमचा व्यवसाय आज आपली मुले अजहर बाबाभाई सय्यद,मोसीन युनूस शाह यांच्या साथीने आज कोट्यावधींची उलाढाल व भव्य चार मजली इमारतीत दिमाखात उभा असलेला कारखाना सय्यद व शाह परिवाराच्या प्रामाणिक मेहनतीची साक्ष देत अनेकांना प्रेरणा देणारा ठरतोय
आज डॉ सुजय विखे पाटील यांच्या हस्ते क्लासिक आइस्क्रीमच्या नवीन मँगो कँडी या उत्पादनाचा शुभारंभ करण्यात आला. विशेष म्हणजे हुबेहूब आंब्याच्या आकाराची असलेली नवीन मँगो कँडी ही चक्क डॉ सुजय विखे पाटील यांनी खास बाबाभाईंना आग्रह करून बनवायला लावली असल्याचे खुद्द डॉ सुजय विखे पाटील यांनी सांगितले तर आपल्या मनोगतात याबाबतचा किस्सा देखील सांगितला…दुबईतील कतार येथे मुलीला घेऊन गेले असता इंस्टाग्राम वर चीन मध्ये बनलेली आंब्याच्या आकाराची आइस्क्रीम कँडी मोठी व्हायरल होत असल्याने सुजय दादांच्या मुलीने तीच आइस्क्रीम हवी असा हट्ट धरला असता डॉ सुजय विखे पाटील यांनी शोध शोध शोधून ती मँगो कँडी मुलीला मिळवून तर दिली मात्र आपल्या तालुक्यात सुद्धा ही मँगो कँडी तयार झाली पाहिजे असा विचार मनी आला अन् क्लासिक आइस्क्रीमचे बाबाभाई सय्यद यांना याबाबत सांगितले असता त्यांनी आज अखेर हुबेहूब जशीच्या तशी मँगो कँडी बनवत आज डॉ सुजय विखे पाटलांच्या हस्ते त्याचा शुभारंभ केला
यावेळी डॉ सुजय विखे पाटील यांनी सांगितले की जेव्हा केंद्र सरकारच्या अन्न प्रक्रिया मंत्रालयाच्या माध्यमातून बाबाभाई यांनी भव्य कोट्यावधींची इमारत उभी केली तेव्हा मी उद्घाटनासाठी आलो नाही मात्र आज पाच दहा रुपयांच्या मँगो कँडी चा शुभारंभ करतांना मनाला मोठे समाधान लाभत असून शिर्डी व परिसरातील युवकांनी अशा वेगवेगळ्या व्यवसायांमध्ये पुढाकार घेत उद्योग व्यवसाय वाढवावे विखे पाटील परिवार नेहमी तुमच्या पाठीशी खंबीर उभा राहील.
यावेळी प्रथम नगराध्यक्ष कैलास बापू कोते, राहता कृषी उत्पन्न बाजार समितीचे सभापती ज्ञानेश्वर आबा गोंदकर,उपनगराध्यक्ष अभय भैय्या शेळके,साई संस्थान सोसायटीचे चेअरमन विठ्ठल पवार, राहता नगरपरिषदेचे गटनेते मुन्नाभाई शाह संदीपभाऊ दंडवते ( साकुरी सरपंच )मुश्ताकभाई पटेल यासह शिर्डी नगरपरिषदेचे सर्व नगरसेवक ग्रामस्थ आणि मुस्लिम बांधवांची उपस्थिती होती
