राहाता पंचायत समितीची झाडाझडती
पालकमंत्री थेट कार्यालयात
जलजीवन मिशन आढावा बैठक
राहाता:-
पालकमंत्री ना राधाकृष्ण विखे पाटील यांनी थेट राहाता पंचायत समिती कार्यालयात प्रवेश करत झाडाझडती सुरू केली, कर्मचारी कार्यालय तसेच स्वच्छतागृहातील अस्वच्छ कारभारावर त्यांनी कर्मचाऱ्यांना खडेबोल सुनावले, बैठकीच्या सभागृहात न जाता झाडाझडती सुरू झाल्याने कर्मचाऱ्यांमध्ये एकच खळबळ उडाली .
राहाता पंचायत समिती येथे बुधवारी सायंकाळी जलजिवन मिशन आढावा बैठक घेण्यात आली, ऑगस्टच्या शेवटी या योजनांचा अहवाल मागवण्यात आला, हर घर जल कामकाजाची यावेळी माहिती घेण्यात आली . यावेळी बैठकीला शासकीय कर्मचारी तसेच ठेकेदार उपस्थित होते .
गाडीतून खाली उतरताच प्रथम उपअभियंता दालनात त्यांनी प्रवेश केला त्यानंतर प्रत्येक कार्यालयात त्यांनी प्रवेश करत स्वच्छतागृहात देखील यावेळी प्रवेश करत बारीक तपासणी केली, अस्वच्छ कारभारावर येथील अधिकाऱ्यांना छापण्यात आले .
मतदारसंघातील जलजिवन मिशनच्या कामाची ना विखे यांच्याकडून आढावा बैठक घेण्यात आली, बैठकीला उपस्थित राहण्याचा आधीच यांनी कार्यालयात प्रवेश करत तपासणी सुरू केल्याने येथील कर्मचाऱ्यांची चांगलीच तारांबळ उडाली, विविध कार्यालयात प्रवेश केल्यानंतर येथील ग्रिल वरील धूळ, कार्यालयात लावलेले कॅलेंडर देखील उघडून पाहून येथील कर्मचारी यांना प्रश्न विचारले . कार्यालयातील पंखे देखील चेक करण्यात आले पंचायत समितीच्या अस्वच्छ कारभारामुळे येथील अधिकाऱ्यांना ना विखे यांनी चांगलेच खडेबोल सुनावले . जनतेच्या कामाची अडवणूक न करता तात्काळ कामे करून द्यावी तसेच नागरिकांना हेलपाटे मारण्यास भाग पाडू नका अशा सूचना यावेळी देण्यात आल्या .
